I bòcìe de ìncoi i crede de aver scopèrt l’acqua calda, a menàr tùt al dì i telefonìn pàr le màn.
Noi sa che ànca noi, ormai de la vècìa generazìòn se àvea àl cellulare, e ancora pì moderno de quei de ìncòì.
Al costea pòch, no servia caricàr la bateria, l’unica manutenziòn, quando se interompea la trasmisìòn, pàrchè caschea la linea (se rompea àl fil) e quindi servia sostituir àl fìl.
La tecnica noialtri se l’àvea già nela testa, e ogni ùn al se fea àl modèl che àl olea, grànt, pìciòl, de làta e ànca col rùden all’ocorenza, praticamente (àn borsolòt)
Se podea pàrlàr diretamente, all’èra tùt automatico, no servìa fàr gnànca i numeri, tuto vocàle, e àl pì bèl, che se podea àncà entràr in videoconferenza, cioè vederse, e imagini bèle nitide, àn displày naturale a 360 gràdi, altro che bàle.
E no servia l’antenìn, che i dìs che le frequenze le te insemenìsss.
E l’àvea sia àl microfono che l’altoparlante incorporà, e così te pòdea pàrlàr e ascoltàr da’n solo bùset.
Adès ve dighe come fàr par farsen ùn…
Se cìàpa dòi borsolòt, che al dì de ìncòi no se fa fàdiga a reperirli, con àn cìòdo se ghe fa àn bùs sul fondo, e àn toch de spàgo o mèio àn fil de naylòn.
Se fa pàsàr le dòi zìme del fìl nei bùs dei borsòlòt e se i fisa con bèl gròp, àdès basta fàr àl numero, ciòè na gràn sbàregàdà a quel che le tàcà su quel’altro borsolòt.
Stàr atenti che àl fìl àl sie ben tirà, e dopo se pol scòltàr e pàrlàr…eventualmente vederse senza pagar ne tim, ne wind ne altro utente…àveo càpì ???
(Dalle mente de Ennio P.)
